GSBI - Gipuzkoa Sustainable Business Index

GSBI (Gipuzkoa Sustainable Business Index)

Gipuzkoako ETEen trantsizio ekologiko, jasangarri eta justuan laguntzen duten funtsezko elementuak identifikatzea.
Gipuzkoako enpresa txiki eta ertainen ekonomia-, gizarte- eta ingurumen-neurketa kolektiboan oinarritutako proposamen metodologikoa proiektatzea, eta, horrela, erakunde horien eragin hirukoitza eta GJHei eta lurralde- eta Europako garapenerako helburu estrategikoei egiten dieten ekarpena zehaztea.
GSBI (Gipuzkoa Sustainable Business Index) adierazlea sortzea, Gipuzkoako ETEen iraunkortasun hirukoitzaren maila eta Europaren eragin hirukoitzeko helburuei egiten dien ekarpena modu globalean neurtu eta monitorizatzeko.
Gipuzkoako ETEei aldaketa- eta eraldaketa-prozesuen proposamen bat egitea, eragin hirukoitzeko erakundeetarako trantsizioa errazteko.
Lurraldean garapen sozioekonomikoko eredu berri bat bultzatzea, honako GJH hauek lortzen laguntzeko:

8. GJH: Guztiontzako hazkunde ekonomiko inklusiboa eta iraunkorra, enplegua eta lan duina sustatzea.
11. GJH: Hiriak inklusiboagoak, seguruagoak, erresilienteagoak eta jasangarriagoak izatea lortzea.
12. GJH: Kontsumo eta ekoizpen iraunkorreko modalitateak bermatzea.
17. GJH: Garapen Iraunkorrerako Munduko Aliantza biziberritzea.

Gipuzkoako ETEek ekonomian, gizartean eta ingurumenean duten eragina NEURTZEA, ETEetan metodologia komuna eta espezializatua erabiliz.
Informazio erantsia SORTZEA, enpresen eta lurraldearen trantsizio ekologiko eta justurako erabakiak hartzen laguntzeko.
Sektore arteko elkarrizketa-guneak IREKITZEA, eragin hirukoitzeko lankidetza-proposamenak landu ahal izateko.
Eragin hirukoitzeko enpresa-sarea garatzen LAGUNTZEA.
ETEak lurralde oparoago, iraunkorrago, erresilienteago eta inklusiboago baten garapenean duen rola NABARMENTZEA.